ምእላይ ቆልዑ ንካብ 1ይ ዕድመ ንየው ዘለው ቆልዑ፥ መዓልታዊ ክንክን ቆልዑ (Kindertagespflege) 

ግዜ ንዕማማት ወለዲ

ወለዲ ብዙሓት ዕማማት ኣለዎም። ይሰርሑ እዮም ወይ ስራሕ ወይ ስፍራ ልምምድ/ኣውስቢልዱንግ ይደልዩ። ንናቶም ኣፓርትመንት ከምኡ‘ውን ንስድራቤቶም ይከናኸኑ እዮም። ንምቕማጥ ኣብ ጀርመን ጀርመንኛ ምምሃርን ኣብ ስልጠናታት ምስታፍን ጽቡቕ እዩ። ወለዲ ንዕኡ ግዜ ስለዘድልዮም፣ ደቆም ብእሙንን ልክዕን ክእለዩ ኣለዎም። ሽዑ ጭንቀት ኣብ ደቆም ክገብሩ ኣየድልዮምን ከምኡ‘ውን ቆልዓኦም ጽቡቕ ከምዘሎ ይፈልጡ እዮም ሽዑ።

ትምህርትን ጸወታን ንቆልዑ

ቆልዑ ክጻወቱ ደልዮም። ክመሃሩን ክዓብዩን ደልዮም። ቆልዑ ብምጽዋት ኩሉ ኣብ መጻኢ ሕይወት ዘድልዮም ነገር ይመሃሩ እዮም። እተን ኣለይቲ ኣብኡ ይሕግዛኦም እየን ከምኡ‘ውን ቅስቀሳ ይህባኦም እየን። ኣብ ጀርመን ክረዳዳእ መታን ክትክእል ቋንቋ ጀርመን ምምሃር ጽቡቕ እዩ። ብርክብ ምስ ካልኦት ቆልዑ ከምኡ‘ውን በታ ኣላይት እቶም ቆልዑ ብቐሊል ጀርመንኛ ይመሃሩ እዮም።

መዓልታዊ ኣላይት እንታይ ማለት?

ኣብ ኩሉ መዓልቲ ዘላ ኣላይት ቆልዑ ክጻወቱን ክመሃሩን ይኽእሉ። ወለዶም ካልእ ኣገዳሲ ነገር ከስልጡ ከለው ብጽቡቕ ተኣልዮም እዮም። እተን ኣለይቲ ኣብ ስልጠናታት ተሳቲፈን ክእለት ንምእላይ ቆልዑ ምእንቲ ክመሃራ። ካብ ወግዓዊ ናይ ቆልዑ ቤትጽሐፍት (ቤት-ጽሕፈት መንእሰይ / Jugendamt) ፍቓድ ኣለዎም ከምኡ‘ውን ኩሉ ግዜ ክምርመራን ክቈጻጸራን እየን። ዋላ እቶም ክፍልታት ክምርመሩ እዮም። ናይ መዓልቲ ኣለይቲ ነቶም ቆልዑ ኣብ ምዕባለኦም የሰንያኦም እየን ከምኡ‘ውን ቅስቀሳታት ይህባኦም።  ንዓበይቲ ቆልዑ ኣብ ምድላው ቤት-ትምህርቲ ጽቡቕ ይሕግዛኦም። እታ ኣላይት ነቲ ቆልዓ እምነትን ውሕስነት ትህብ እያ። ዝኾነት ኣላይት ኣብ ንእሽቶ ጉጅለኣ ብዝለዓለ 5 ቆልዑ ትኣሊ ከምኡ‘ውን ትምኒታት ናይ ኩሎም ቆልዑትን ወለዶምን ተኽብር እያ።

መዓልታዊ መደብ ናይ ሓንቲ ኣላይት ከመይ ይመስል?  

ኣብ ንጎሆ ወለዲ ንደቆም ናብታ ኣላይት የብጽሑዎም እዮም። ሽዑ ዝበዝሕ ብዜ ብሓንሳብ ክቖርሱ እዮም። ብድሕሪኡ እታ ኣላይት ምስቶም ቆልዑ ትጻወትን ትደርፍን እያ። ነዞም ቆልዑ ኣብ ምዕባለኦም ቋንቋ ተበርክቶም፣ ንምምሃር ትድርኾም ከምኡ‘ውን ምሳቶም ናብ ደገ ትኸይድ። እቶም ቆልዑ ብእኡ ኣገደስቲ ነገራት ይመሃሩ፣ ከም ንኣ. መትከላት ኣብ ትራፊክ ጽርግያ ከምኡ‘ውን ንተፈጥሮን ከባቢኡን ይዕዘቡ እዮም።  ኣብ ገዛ ድማ ብምጽዋት ክእለታቶም የማዕብሉ እዮም። መደብ መዓልቲ ሽዑ ይላለዩ እዮም። ኣብታ ኣላይት ይበልዑ ከምኡ‘ውን ድቃስ ቀትሪ ይገብሩ። እታ ኣላይት ዋላ መሓሰስያታት ናይቶም ቆልዑ ትቕይረሎም እያ። እቶም ቆልዑ ድሕሪ ቀትሪ ከኣ ክውሰዱ እዮም። እታ ኣላይት ልክዕ ከም ናይ ቤት-ትምህርቲ ህጻናት ዕማማት ኣለዋ። እቶም ቆልዑ ጽቡቕ ይስማዖም ከምኡ‘ውን ምስ ካልኦት ቆልዑ ጽቡቕ ግዜ ንከሕልፉን ንክምዕብሉን ይሕጎሱ እዮም።

ኣላይት መዓልቲ ከመይ ገርካ ትረክብ?

ናይ መዓልቲ ኣለይቲ ካብ ወግዓውያን ቤት-ጽሕፈታትን ምምሕዳራትን (ቤት-ጽሕፈት መንእሰይ፣ ኣገልግሎት ሞያ/Fachdienst) ተመሓላሊፈን ኣለዋ። ኣብኡ ደሃይ ክትገብር ኣለካ፣ ልክዕ ከም ናይ ስፍራ ቤት-ትምህርቲ ህጻናት። ኣብ ጀርመን ዝኾነ ቆልዓ ናይ ትምህርትን ኣተዓባብያን ምእላይን መሰል ኣለዎ ከምኡ‘ውን ኣላይት ወይ ኪታ/ ቤት-ትምህርቲ ህጻናት ክበጽሑ ይፍቐደሎም፣ ዋላ እቶም ወለዲ እንተዘይሰርሑ ኮይኖም። 

እቲ ምእላይ ክንደይ ዋግኡ?

ወለዲ ንምእላይ ደቆም ክንደይ ገንዘብ ክኸፍሉ ከምዘለዎም፣ ካብ ቦታ ናብ ቦታ ዝተፈላለየ ክኸውን ይኽእል። ኣብ ክንደይ ደሞዝ ከምዘለዎም ይምርኮስ እዩ። ወለዲ እንድሕር ውሑድ ገንዘብ ኣለዎም፣ ዋላ ሓደ ክኸፍሉ ኣየድልዮምን። ኣብ ገሊኦም ቦታታት እቲ ምእላይ ንኩሎም ነጻ እዩ።

ብዛዕባ‘ዚ ንቤት-ጽሕፈት (ቤት-ጽሕፈት መንእሰይ፣ ቤት-ጽሕፈት ሞያ) ኣብ ቦታኹም ሕተቱ።